PAS BACA STATUS

imel sandi so ta isi..
di google yang penuh ambisi..
kong mulai cek per cek,..
status si dia yang kita sayang...

buka dinding kong mulai baca,..
wow,..
takage tulisan yang sarat makna...
apa maksud dengan huruf kapital,..

sedangkan huruf kacili mar tinggelam..
baru da lia so ilfeel,..
mo ba tulis puisi orang da pesan,.
ilang konsentrasi tre mo tulis di blog..

kong dapa rasa rupa da iris,..
tipis tipis kong rubus,.
sebelum itu da tono deng lemong,..
ambor rica jawa sadiki...

idih...
bingo no kalu bagini...
what is the maksud dang kwa..??
musti so bagitu...??

floor pe kira jowh,..
jutaan tanya tatempel di testa pa dorang..
interuksi so percuma...
terlanjur toki satu kali deng palu sidang,..

palu paluan,.
hiiiiihhhh,..
makang pisang ulang terpaksa...
dengan rica kong colo di susu jo...

kalu nda sadap kita mo buang,.
mar sayang orang da persen..
mo buang rugi,,..
terlanjur kita ambe,,..

hargai jo dang ni pemberian...
pidis eh,...
pas dia tulis bagitu,..
kong ni mata masoso mo baca..

sakit ka nyanda,.
ilang konsentrasi mo beking karya,..
kosong kong malah bengong..
biarjo ta so nintau..

brikut so tau no,...
nda usah baca status ulang,,.
remoove jo skalian..
supay ni hati nda mo ta iris tiap ta buka fb...