KONG MO BAWA KAMANA torang pe BATAMAN..?

kong kita manangis,..
kiapa ngana tatawa di bawah pohon pinus....
kong kita manyanyi...
kiapa ngana tatawa turus kong sampe malele aer mata...

torang ada bakubawa samua.,,
kiapa torang dua ta sandiri dang...??
dorang so batunggu di bawah bulan,.
jangan ngana bawa kita ka matahari kwa..

wooiiii,...
dimana ngoni dua...??
basandiri rupa orang bogo..
nintau laju jo ni paru da berpacu....

angin malam lebeh dingin,..
nda ada cap tikus ngoni so mabo,.
adoh,,..
jangan bakacau kwa...

kasiang tuan rumah,.
da baku jaga hati so amper tiga bulan,..
so bagitu resiko katu..
musti trima torang p mujur dengan soe..

soe soe le kalu bagitu dang,..
nimau mangala le kwa ni satu no,..
dorang so pangge stel bapongo,.
ato sto memang biongo..

odoh kasiang jo,..
kase pulang kita kenangan kwa bumi,..
so sampe di bulan asih kita,..
dorang so tapisah le...

yah katu no,..
biar polpen so abis tinta kita nda mo bli baru...
tetap ngana kita pe tamang,.
mar jang banya malawang..!!!

co nga lia torang ini,,.
samua baku pake topeng,..
padahal so baku tau asli..
hedehhhh...

cuci muka jo dulu samua kwa..
kong ngoni - ngoni baganti bagus bagus,..
coz torang mo pi makang pisang,..
pake rica dengan kecap ..

manis pidis itu tamang,,..
so bagitu no torang,..
jadi simpang j itu egois,,
kong buang jaoh itu hati yang teriris,..

jang tambah lemong nipis,,
mo lebih pidis kasiang itu,,.
boleh to...???
boleh no katu,,..

torang batamang to...???