PERSIAPAN

om ober dimuka rumah manyanyi,..
padahal tiap pagi putar lagu natal..
batal itu bamarah pa tanta dey,..
anjing mar iko manyanyi nda kala aksi...

anak anak kacili so mulai tako,..
senter klass mo isi di karong,..
kong dang ni logong logong le nda...???
padahal so dorang tu pembohong,..

tamang tamang pemuda so mulai latian,..
vocal grup deng teater,..
nintau tu kantor cuma ja buka pagi,,.
siang kamari so sunyi,...

matahari co se pidis sadiki kwa dorang pe kuli,..
torang kasiang maraya,..
mancari satu taong for natal deng taong baru,..
malele suar,, kurang darah kong nyanda,...

hedeh,,,..
itu ase pe kancang skali,.
beking dorang pe bibir kring,.
kuli kriput,,..

kapo no itu,...!!!!
dasar jo logong,..
maraya maraya di atas keju susu...
kong torang minum kopi,...

so mulai sibuk tanta tanta,..
so mulai panen raya di kampung...
kampung deng kota kurang sama,..
sama sama biongo!!!!

dorang bilang jadi mo makang,..
sampe so tahun baru nda makang makang,..
saki no itu mah,..
asi torang cuma tatawa kong bilang biarjo,..

kasiang ni samua,,..
kong blum jadi le itu pohon trang,..
so abis doi mo bli lilin kata,..
kata..!!! ator jo katu...

so ngon punya itu,..!!
ceke polote sampe deng kukis mantega...
koka kola dengan bir,,..
kasegaran cap tikus,,..

so ngoni punya itu kodo!!
kodo le dalam hal ini,..
natal so dekat,,..
sadikile somo tutup taong nda ada dorang da beking...

memang jo logong,,.
mulu kering,..
talinga tabal,,..
muka tujuh,..